Безбедноста на храната ќе биде контролирана со еден закон, но од две агенции

И покрај измените, Дирекцијата за храна и Ветеринарната управа ќе надгледуваат дали во Македонија се почитуваат хасап стандардите.
 
Според Дејан Рунтевски новиот закон на сила ќе стапи за неполни два месеци. Тој предвидува исти рокови за имплементација на сите стандарди, кои се во насока на заштита на здравјето и интересите на потрошувачите при што ќе се уредуваат и официјалните контроли како и обврските на операторите со храна.
 
Директорот на Ветеринарната управа најави донесување и на закон за безбедност на храна за животните. Со него ќе бидат пропишани правилата за суровини и производи што се користат во исхрана на добитокот, а се со цел да се обезбеди уште поголем квалитет на крајниот производ.