ИК банка доби нова кредитна линија од 15 милиони евра

Надзорниот одбор на Демир-Халк банк ја одобрил линијата за ИК банка, за да се користи за кредитирање, како на малите и средните претпријатија, така и за големите стратегиски клиенти во Македонија. Кредитната линија почетно е одобрена на 24 месеци, но по потреба и барање на ИК банка таа ќе биде продолжена.

„Менаџментот на ИК банка, ценејќи ја силната поддршка, потврдува дека банката преку својот силен биланс, како и капацитетот и погодностите што ги нуди Демир-Халк банк, ќе продолжи да ја финансира македонската економија со нови кредити, активности и производи“, соопшти банката.

Оттаму додаваат дека во текот на февруари ќе лансираат кампања за „полесни кредитни“ можности за малите и средните претпријатија, корпорациите и населението, преку пониски каматни стапки и без надомест.