Вести

Ново намалување на каматната стапка на благајничките записи

05.02.2010 | автор: Сител

Уште една најнова причина да поевтинат кредитите - основната каматна стапка на Народната банка на Македонија, вчера падна за дополнителни 0,5 отсто и сега изнесува 7,5 отсто.

НБРМ ја намали и каматната стапка на ломбардните кредити од 9,5 на 9 отсто. Новото олабавување на монетарната политика се должи на оптимизмот дека амбиентот ќе се подобрува и дека дефицитот на тековната сметка ќе биде помал од проектираното. Тоа пак треба да доведе до подобро ниво на девизните резерви.

Сепак, Централната банка останува претпазлива. „Доколку капиталните приливи не се реализираат во предвидениот износ, товарот за финансирање на јазот во тековната сметка повторно ќе падне врз девизните резерви и затоа НБРМ ќе продолжи со водењето претпазлива монетарна политика“.

Намалувањето на каматните стапки би требало да одведе до поголем кредитен раст. Централата очекува наместо 6,5%, годинава тој да изнесува 9%. Порастот на кредитирањето, започнал уште во ноември, па така 2009 наместо со проектираните 2,6%, завршила со кредитен раст од 3,5%.

НБРМ ги ревидира и проекциите за падот на БДП за минатата година. Наместо 1,6% колку што претходно прогнозираше, сега очекувањата се дека БДП ќе падне за 1% затоа што негативниот тренд престанал во четвртиот квартал.

За 2010 проекциите остануваат непроменети, македонската економија ќе порасне меѓу 1 и 2%.

Во првиот квартал БДП се очекува да порасне за 0,4% пред се заради закрепнувањето на извозот и зголемувањето на личната потрошувачка.

последни најпопуларни избрано од уредникот

Се намалил бројот на работници во индустријата 15:49

Банките ќе имаат проблеми ако кризата се прелее врз пазарот на труд 15:29

Азиските валути пораснаа оваа недела предводени од песото 15:01

Хонда и Самсунг со рекорден профит 14:31

НБМ не знае дека двете најголеми банки добија милионски тужби 13:55

BASF силно ја зголеми кварталната добивка 13:23

Фолксваген објави квартален профит од 1,25 млрд. евра 13:07

Српските граѓани на плажите оставаат речиси по 600 милиони евра 12:57

Во Србија ќе се градат евтини станови субвенционирани од Владата 10:48