Мој Фонд

Сава Инвест Растечки Фонд Акции

Сава Инвест Балансирачки Фонд

Иново Статус Акции

КБ Публикум Балансиран

КД Фондови

Илирика Глобал - Растечки Пазари

Илирика ЈИЕ

Отворениот инвестиционен фонд ИЛИРИКА ЈУГОИСТОЧНА ЕВРОПА е основан и со него управува Друштвото за управување со фондови ИЛИРИКА ФУНД МЕНАЏМЕНТ АД Скопје.

Фондот е основан на ден 26.10.2007 година врз основа на одобрение од Комисијата за хартии од вредност на Република Македонија бр. 07-2268/9 од 26.10.2007 година. Фондот е основан на неопределено време.Стручноста, знаењето и искуството на ИЛИРИКА ФУНД МЕНАЏМЕНТ АД Скопје, регионалната позиционираност, брендот и угледот на Илирика групацијата се гарант за квалитетна услуга и посветеноста кон клиентот.

Цели и инвестициона политика на Фондот

Друштвото ќе ги инвестира средствата на Фондот во хартии од вредност на издавачи чие седиште односно претежна дејност се врши на територијата на следните земји од Југоисточна Европа:Албанија, Австрија Босна и Херцеговина, Бугарија, Грција, Македонија, Полска, Романија,Русија, Словачка, Словенија, Србија, Турција, Украина ,Унгарија, Црна Гора, Чешка и Хрватска.Друштвото ќе ги инвестира средствата на Фондот во следните инструменти:
а) Хартии од вредност кои котираат или со нив се тргува на берза или се продаваат на пазар на пари или на друг регулиран пазар и
б) Хартиите од вредност од новите емисии, ако условите за нивно издавање содржат обврска за поднесување барање за вклучување на хартиите од вредност на некоја берза, пазар на пари или на некој друг регулиран пазар.

Ограничувања на вложувањата

1) Во хартии од вредност на еден издавач, Фондот не смее да вложува повеќе од 20% од вредноста на неговиот имот. По исклучок, фондот може, без ограничување да инвестира во должнички хартии од вредност на Република Македонија;
2) Фондот може да стекнува најмногу до 20% од вкупниот број издадени акции на еден издавач;
3) Фондот може да стекнува најмногу до 15% од вкупната номинална вредност на должничките хартии од вредност издадени од еден издавач;
4) Фондот не може да инвестира повеќе од 15% од вкупниот број на акции издадени од еден издавач и повеќе од 10% од вкупната номинална вредност на должничките хартии од вредност издадени од еден издавач;
5) Депозитите во банки и други парични средства на Фондот можат да изнесуваат најмногу до 25% од вредноста на имотот на Фондот;
6) Фондот не смее да инвестира во хартии од вредност издадени од избраната депозитна банка или филијали на странска депозитната банка, како и во депозитни средства од тие институции.
7) Фондот не смее да инвестира во хартии од вредност издадени од други фондови.
8) Фондот може да го надмине максимумот предвиден со точка 2.3. број 4 при одредени пазарни нарушувања со одобрение на Комисијата, но обврзан е да го воспостави истиот откако повторно ќе се воспостават нормални пазарни услови.
9) Фондот може да го надмине максимумот предвиден со точка 2.3. број 5 за период од четири месеци од неговото формирање.

Трошоци на фондот
На товар на имотот на Фондот можат да се засметуваат следните трошоци и надоместоци:Трошоци за управување на Друштвото; Надоместок на депозитна банка и евентуално на други лица; Трошоци за Централен депозитар за хартии од вредност; Трошоци во врска со купопродажба на имот на Фондот; Трошоци за објавување; Други трошоци: трошоците за ревизија на финансиските извештаи на Фондот и други трошоци кои ќе произлезат во текот на работењето.

• Трошоци за издавање на документи за удел;
• Трошоци за откуп и исплата на документи за удел;
• Трошоци на печатење на документи за удел;
• Останати трошоци.

Надоместок за управување

Надоместок на Депозитната банка и евентуално на други лица на товар на имотот на Фондот

Друштвото на товар на имотот на Фондот, плаќа надоместоци и трошоци на Депозитната банка за работите дефинирани во договорот со депозитна банка, Законот, Статутот и Проспектот на Фондот и Тарифата за надоместоци и трошоци за вршење на работи на депозитна банка.Друштвото на Депозитната банка, на товар на имотот на Фондот и плаќа надоместок во висина од 0,35% годишно од вредноста на нето имотот на фондот, за вршење на следните работи:

• Чување на имотот на Фондот;
• Обезбедува паричните средства од продажбата на документи за удел во Фондот веднаш да бидат уплатени на посебно отворена сметка на Фондот кај Банката;
• Издава документи за удел, ги прима откупените документи за удел, врши исплата на сопствениците на документи за удел;
• Ја утврдува вредноста на поединечниот удел во Фондот;
• Извршува налози на Друштвото, во согласност со Законот и Статутот на Фондот;
• Се грижи приходите од имотот на Фондот да се користат во согласност со Законот и Статутот на Фондот;
• Ги евидентира сите промени на парични средства и хартии од вредност во кои се инвестирани средствата на Фондот во посебен систем на евиденција врз основа на добиена документација;
• Податоци и информации, поврзани со работењето на Фондот.

Друштвото на Депозитната банка, на товар на имотот на Фондот и плаќа и за следното:

• Трошоци за отворање и водење на сметки за парични средства и сметки за хартии од вредност во странство кај суб-депозитна банка и депозитари за хартии од вредност, во висина на стварни трошоци;
• Трошоци во врска со судски постапки и постапки пред други државни органи, чиј предмет се правата, обврските и имотот на Фондот, во висина на стварни трошоци;
• Трошоци во врска со поднесување на тужба за поврат на штета, која Друштвото ќе ја предизвика кај сопствениците на документи за удел со однесување кое е во спротивност со Законот, Статутот и Проспектот на Фондот, во висина на стварни трошоци и
• Други стварни трошоци.

Трошоци за Централен депозитар за хартии од вредност

Друштвото на товар на имотот на Фондот, плаќа надоместок на Централниот депозитар за хартии од вредност за работите дефинирани во договорот со Централниот депозитар за хартии од вредност, Законот за хартии од вредност, Статутот и Проспектот на Фондот.За регистрирање на документите за удел во Централниот депозитар за хартии од вредност и нивно издавање во дематеријализирана форма, Друштвото на Централниот депозитар за хартии од вредност, на товар на имотот на фондот, му плаќа надоместок во висина од 0,2% годишно од нето вредноста на имотот на фондот.

Трошоци во врска со купопродажба на имот на Фондот

Овие трошоци ги содржат сите трошоци поврзани со купување и продавање на имотот на Фондот (на пример: трошоци за брокерски провизии, берзанска такса, такса за Централен депозитар на хартии од вредност, даноци и евентуални други трошоци поврзани со порамнување на трансакциите). Износот на овие трошоци не може да ги надмине стварните трошоци кои произлегуваат од договорите, односно тарифниците на односните институции и истите се на товар на имотот на Фондот.Трошоците за купување и продавање се разликуваат во зависност од типот на хартиите од вредност и големината на налогот.

Трошоци за објавувања

Овие трошоци ги содржат трошоците за објавување проспекти, финансиски извештаи и цена на уделот, како и трошоци за останати задолжителни објавувања согласно Законот. Износот на овие трошоци, кои се на товар на имотот на Фондот, не може да ги надмине стварните трошоци.

Други трошоци утврдени со Статутот на Фондот

На товар на имотот на Фондот се засметуваат и трошоците за ревизија на финансиските извештаи на Фондот. Овластен ревизор е Македонски ревизорски центар ДОО Скопје.

Трошоци на издавање на документи за удел

Надоместок за издавање на документи за удел (влезна провизија) претставува надоместок кој инвеститорот го плаќа при секоја уплата во Фондот.

Еднократна уплата

Надоместок за издавање на документи за удел се пресметува на вкупниот износ на извршената еднократна уплата, со примена на следните стапки, зависно од износот:

• до 100.000 денари                                                   5%;
• од 100.001 денари до 500.000 денари                   4%;
• од 500.001 денари до 1.000.000 денари                3%;
• од 1.000.001 денари до 3.000.000 денари             2%;
• од 3.000.001 денари до 5.000.000 денари             1%;
• над 5.000.001 денари                                             0,5%;