Комерцијална Банка АД Скопје е банка која нуди универзални банкарски услуги. располага со широка мрежа на експозитури и филијали, која што во континуитет ја проширува на територијата на целата земја. Деловната мрежа на Банката се состои од 8 филијали (Охрид, Прилеп, Велес, Кочани, Куманово, Струмица, Штип, Кавадарци) и 50 експозитура, од кои 33 се лоцирани во Скопје, а останатите низ Републиката. Во функција на извршување брзи и ефикасни меѓународни услуги за своите клиенти, Банката има воспоставено кореспондентски односи со преку 600 банки во 23 земји и контокорентски односи со 55 банки. Таа обезбедува широка палета на услуги за физички и правни лица, во кои спаѓаат универзалните банкарски работи, како работење со хартии од вредност, осигурителни полиси, трансфер на пари преку Western Union, старателско работење и друго. Банката е присутна и во електронското банкарство нудејќи електронски плаќања во домашниот платен промет и развивање на електронското банкарство во платниот промет со странство. Комерцијална банка АД Скопје има седиште во Скопје. Оваа банка има 4,223 акционери и приватен капитал во износ од 90.90% од вкупниот акционерски капитал.

Позитивниот финансискиот резултат пред оданочување во последното тромесечје од 2009 година изнесува 1.074,00 милиони денари и преставува 69,3% од остварениот позитивен финансиски резултат споредно со годината претходно.

Раст од 3,5 отсто бележат остварените нето приходи од камати, додека пак остварениот нето позитивен ефект од курсни разлики изнесува 91,317 илјада денари и е за 9,8 отсто поимал во споредба со 2008 година.

Во период од  01 Јануари до 31 Декември 2009 година, Нето приходите на Комерцијална банка АД Скопје беа на ниво од 715,9 милиони денари.

Износот на отпишани побарувања на Банката за изминатата фискална година изнесува 47,7 милиони денари, додека пак во 2008 година нивниот износ изнесуваше 305 милиони денари.