ЗК Пелагонија АД Битола е компанија со седиште во Битола, чија примарна дејност е од областа на земјоделското производство, лозарството и овоштарството. ЗK Пелагонија произведува житни култури, а се занимава и со одгледување на ситен и крупен добиток, сточарско производство, рибарство, овоштарство, лозарство, како и транспорт и дистрибуција на производите.

Издадени акции
- обични: 236.827
- приоритетни: 41793
Вкупно:278.620

Согласно измените и дополнувањата донесени на Македонската берза, ЗК Пелагонија АД Битола извести за бројот на акции на членовите на Одборот на директори, како и за процентуалното учество вкупниот акционерски капитал.

Со најголем број на поседувани акции е Вангел Гагачев и тоа 4.054 акции, што преставува 1,46% од вкупно издадените 278.620 хартии од вредност. Со нешто поголемо учество од еден отсто учество во вкупниот капитал се Вангелина Костовска (3.460 акции или 1,24%), Душан Мацановски (3.400 акции или 1,22%) и Ѓорѓи Петровски ( 3.001 акции или 1,08%).

 Со учество помало од еден отсто во вкупниот капитал се Ристе Бошковски ( 1.811 акции или 0,65%), Душан Бејковски (518 акции или 0,19%), Драги Петровски (2.017 акции или 0,74%), Иванчо Гугулевски (500 акции или 0,18%) и Иван Зафировски (1.682 акции или 0,60%).

Членовите на Одборот на директори, Јованче Тасковски, Владимир Џабирски и Боривоје Михајловски не поседуваат акции во ЗК Пелагонија АД Битола.