ЗК Пелагонија АД Битола е компанија со седиште во Битола, чија примарна дејност е од областа на земјоделското производство, лозарството и овоштарството. ЗK Пелагонија произведува житни култури, а се занимава и со одгледување на ситен и крупен добиток, сточарско производство, рибарство, овоштарство, лозарство, како и транспорт и дистрибуција на производите.

Издадени акции
- обични: 278.620
- приоритетни: 0
Вкупно:278.620

ЗК Пелагонија АД Битола објави соопштение во кое се вели дека поради обилните снежни врнежи, наглото топење на снегот, високиот водостој на реките и проблематичната одводна мрежа, во месец фебруари 2010 година на површините на ЗК Пелагонија ад Битола се излеала огромна количина на вода, поплавувајќи парцели на Комбинатот засеани со есенски и повеќегодишни култури и површини припремени за пролетна сеидба, со што се предизвикала голема штета .

ЗК Пелагонија АД Битола понатаму соопштува дека стручните екипи констатирале дека вкупно се поплавени 5.052 хектари, од кои 3.020 хектари се засеани со есенски и повеќегодишни култури, додека 2.032 хектари биле подготвени за пролетна сеидба .

Првичните проценки за предизвиканата штета изнесуваат 132.537.070 денари.