Главна дејност на компанијата е трговија на фармацевтски производи и медицинска опрема. За таа цел компанијата има развиено мрежа од 23 аптеки. Исто така компанијата дополнително, во соработка со ланецот на маркети Хубо од Белгија поседува супермакет за широка потрошувачка каде на едно место може да се најдат најразновидни производство за домаќинство и се занимава со трговија на долна облека, со трговија на расветни тела и со угостителство.

Зголемувањето на резултатот од оперативното работење произлегува од зголемување на неконсолидираните оперативни приходи за 17% и намалување на позначајните оперативни трошоци во однос на истиот период претходната година.

Намалувањето на неконсолидираната нето добивка пред оданочување за 48% во однос на истиот период во 2010 година произлегува од сметководствениот третман на учеството во резултатот на поврзаните субјекти. Правото на учество во резултатот од поврзаните субјекти ќе биде евидентирано во вториот квартал од 2011 година, се вели во известувањето на „РЕПЛЕК“ АД.

Групацијата РЕПЛЕК оствари зголемување на консолидираната оперативна добивка за 106% во однос на истиот квартал во претходната година. Зголемувањето на резултатот од оперативното работење произлегува од зголемување на консолидираните оперативни приходи за 26% и намалување на позначајните оперативни трошоци во однос на истиот период претходната година.

Консолидираниот финансиски резултат пред оданочување е зголемен за 84% во однос на истиот период претходната година.