Макпетрол АД Скопје е компанија која се занимава со дистрибуција и промет на нафта и нафтени деривати во Република Македонија. Оваа компанија поседува моќна инфраструктура за дистрибуција и продажба на нафтени производи, а воедно воведува квалитетни горива кои ги набавува, складира и пласира во сопствените бензински станици и складови. Во рамките на пазарната стратегија на Макпетрол, покриени се и следните сегменти: трговија со метали, производи за широка потрошувачка, производи на автоиндустријата и аудиовизуелни уреди.

Според Правилникот за котација на Македонската берза за хартии од вредност Макпетрол АД Скопје објави известување во кое се наведува процентот на учество во вкупниот број на акции со право на глас на членовите на Управниот и Надзорниот одбор.

Според тоа, Ристо Јосифовски, член на Управниот одбор, поседува 0,024% од вкупниот број на акции, Горан Сотировски, член на Управниот одбор поседува 0,001%. Како членови на Надзорниот одбор, Драге Најдоски и Зоран Доневски поседуваат 0,009% и 0,001% соодветно од вкупниот број на акции